மருதம் மக்கள் முன்னேற்றக் கழகம்

உலகில் உள்ள அனைத்து நாகரிகங்களும், ஆறும் அதன் சமவெளிப் பகுதியில்தான் உருப்பெற்றுள்ளன. தமிழ்நாட்டில் வற்றாத ஜீவநதியாக ஓடிக்கொண்டிருந்த காவிரி, வைகை, தாமிரபரணி மற்றும் அதன் துணை ஆறான அமராவதி போன்ற நதிக்கரையில் வாழ்ந்து, முறையான தொழில் செய்து, ஆட்சி அதிகாரங்களைச் செய்த ஒரு பூர்வகுடிதான் இந்த வேளான் குடி. இவர்கள் இந்த மண்ணின் மைந்தர்கள்; இந்தத் தமிழ்ப் பண்பாடு மற்றும் நாகரிகத்தை உருவாக்கியவர்கள். மாமன்னர்களாக இருந்த சமூகம் இன்று காலத்தின் சூழ்ச்சி காரணமாக, அவர்களின் வாழ்வாதாரத்திற்கே போராடும் சூழ்நிலையை இந்தச் சூழ்ச்சிக்காரர்களும், சுயநலவாதிகளும் ஏற்படுத்தி உள்ளனர்.

இந்தியா சுதந்திரப் போராட்டத்தில் வெள்ளையர்களை எதிர்த்துப் போராடிய மாவீரன் சுந்தரலிங்கனார் பிறந்த இந்தச் சமூகத்தில், சுதந்திரத்திற்குப் பிறகு தங்கள் அடையாளத்தை நிலைநிறுத்திய தியாகி இம்மானுவேல் சேகரன் அவர்களைக் கொள்கைத் தலைவராக ஏற்றுக்கொண்டு, ஒடுக்கப்பட்ட சமூக மக்களின் ஒரே தலைவனாக இருந்த, இறந்தும் வாழ்ந்துகொண்டிருக்கின்ற இந்தச் சமூகத்திற்காகவும், தங்கள் உயிரைத் தியாகம் செய்த மாபெரும் தலைவன், தேவேந்திர குல வேளாளர் மக்களின் ஒரு அடையாளம், சி. பசுபதி பாண்டியன் அவர்கள் 2006-ஆம் ஆண்டு மருதம் மக்கள் முன்னேற்றக் கழகம் என்ற அரசியல் கட்சியைத் துவங்கினார். இன்று அதைப் வழிநடத்துவதற்கும், இந்த ஒடுக்கப்பட்ட மக்களின் குரலாகப் பசுபதி பாண்டியன் அவர்களால் இந்தச் சமூகத்திற்காக வித்திட்ட தீப்பொறியாக, இந்தியாவின் இளம் பெண் தலைவராகச் சந்தன பிரியா பசுபதி பாண்டியன் அவர்கள், மருதம் மக்கள் முன்னேற்றக் கழகத்தை முன்னின்று எடுத்துச் சென்று கொண்டிருக்கிறார்.