SC/ST scholarships must be disbursed based on current family income upon admission
நமது நாட்டின் கல்வி அமைப்பு பல்வேறு மாற்றங்களை சந்தித்துவருகிறது. சமூக நீதி, சமத்துவம், தரமான கல்வி அனைவருக்கும் கிடைக்க வேண்டும் என்பதற்காக அரசுகள் பல திட்டங்களை அறிவித்து செயல்படுத்துகின்றன. அவற்றில் முக்கியமான ஒன்று SC/ST மாணவர்களுக்கு வழங்கப்படும் Scholarship திட்டம். ஆனால், இத்திட்டத்தின் உண்மையான பயன், scholarship வழங்கப்படும் நேரம், மாணவர்களின் குடும்ப பொருளாதார நிலை ஆகியவற்றின் அடிப்படையில் முழுமையாகப் பெறப்படுகிறதா? என்ற கேள்வி நமக்கு முன் நிற்கிறது.
கடைசி பத்து ஆண்டுகளில் கல்வி செலவு பல மடங்கு உயர்ந்துள்ளது. கல்லூரி சேர்க்கை கட்டணம், புத்தகங்கள், விடுதி வசதி, போக்குவரத்து, கூடுதல் வகுப்புகள் போன்றவை சேர்ந்து ஒரு சாதாரண குடும்பத்துக்கும் பெரிய சுமையாக இருந்திருக்கிறது. ஆனால், மிகுந்த பொருளாதார நெருக்கடியை எதிர்கொள்ளும் SC/ST குடும்பங்களுக்கு இது தாங்கமுடியாத சுமையாக மாறுகிறது.
பல பெற்றோர் கல்விக்காக கடன் வாங்க வேண்டிய சூழலில் உள்ளனர்; சிலர் அதிக வட்டி கடனில் சிக்கி மன அழுத்தத்துடன் போராடிக்கொண்டிருக்கிறார்கள். இதை சரி செய்வதற்கான மிகச் சிறந்த வழி, scholarship-ஐ முதல் ஆண்டிலேயே, குறிப்பாக சேர்க்கை நேரத்திலேயே வழங்குவது.
சேர்க்கை நேரத்தில் scholarship வழங்கப்படாததால் பல்வேறு சிக்கல்கள் உருவாகின்றன. தற்போதைய நடைமுறையில், பல scholarship திட்டங்கள் ஆண்டு முடிவில் அல்லது இரண்டாம், மூன்றாம் தவணைகளில் மட்டுமே வழங்கப்படுவதால், மாணவர்கள் முதலில் முழுக் கட்டணத்தையும் செலுத்த வேண்டிய கட்டாயத்தில் உள்ளார்கள். குடும்பம் உடனடியாக நிதி ஏற்பாடு செய்ய முடியாமல் கலக்கம் மற்றும் பதட்டத்திற்குள்ளாகிறது. சிலர் சேர்க்கையைத் தாமதிக்க வேண்டிய நிலை உருவாக, சிலர் முழுவதுமாக கல்வியை விட்டுவிடும் நிலைக்கும் தள்ளப்படுகின்றனர். இதனால் மாணவர்கள் கடன் வாங்க வேண்டிய சூழ்நிலையும் ஏற்படுகிறது. கல்வி மீது தேவையற்ற மனஅழுத்தம் உருவாகி, படிப்பில் கவனம் சிதறச் செய்கிறது. இவ்வாறு scholarship தாமதமாக வழங்கப்படும் நடைமுறை, குறிப்பாக SC/ST மாணவர்களின் உயர்கல்வி அணுகலையும் முன்னேற்றத்தையும் பெரிதும் பாதிக்கிறது.
- உடனடி நிதி நிவாரணம்
சேர்க்கை நேரத்தில் scholarship கிடைத்தால், பெற்றோரின் கையிருப்பு பணம் குறைவாக இருந்தாலும், மாணவர் தன்னம்பிக்கையுடன் சேர்க்கையை மேற்கொள்ளலாம். - கல்வி முடிவுகளை தீர்மானிக்கும் அழுத்தம் குறைவு
பலர் “பணம் இல்லாததால் இந்த கல்லூரி போதும்” என்று தாழ்ந்த கல்வித் தரத்தைத் தேர்வு செய்கிறார்கள். Scholarship முன்கூட்டியே கிடைத்தால், தகுதியான கல்லூரியைத் தேர்வு செய்ய உதவும். - கடன் மற்றும் வட்டி சுமை தவிர்ப்பு
பொருளாதார ரீதியாகபலவீனமான குடும்பங்களுக்கு உடனடி கடன் தேவையே இருக்காது. - பள்ளி முதல் கல்லூரி வரை இடைவெளி ஏற்படாது
பொருளாதார தடங்கலால் கல்வியை நிறுத்த வேண்டிய சூழல் தவிர்க்கப்படும்.
சமூக மற்றும் பொருளாதார உயர்வு
கல்வி தொடக்கநிலையில் உதவி கிடைத்தால், மாணவர்களின் வளர்ச்சி பாதை வலுப்படும்.
முதல் ஆண்டிலேயே scholarship வழங்கப்படுவது என்பது ஒரு சாதாரண நிதி உதவி அல்ல; அது ஒரு SC/ST மாணவனின் வாழ்க்கைப் பாதையை மாற்றும் மிகப் பெரிய சக்தியாகும். இந்த உதவி கிடைப்பதால் கல்வியில் நம்பிக்கை அதிகரிக்கும், படிப்பில் கவனம் சேரும், தன்னம்பிக்கை உருவாகும். மேலும், உயர்கல்வியை முடித்து நல்ல வேலை பெறும் வாய்ப்பு அதிகரிப்பதுடன், குடும்பத்தின் பொருளாதார நிலை மேம்படும். இதன் மூலம் சமூக உயர்வு, சமத்துவம் மற்றும் உரிமை உணர்வு மேலும் வலுவடையும்.
SC/ST மாணவர்களுக்கு scholarship வழங்குவது ஒரு சமூக நீதி கொள்கை.
ஆனால் அதன் உண்மையான பயன், அவர்கள் மிகவும் தேவைப்படும் நேரத்தில் – சேர்க்கை செய்யும் முதல்நொடியில் கிடைத்தால் தான் சமூக மாற்றம் சிறப்பாக நிகழும். எனவே, குடும்பத்தின் தற்போதைய பொருளாதார நிலையை அடிப்படையாக கொண்டு scholarship-ஐ முதல் ஆண்டிலேயே வழங்கும் நடைமுறை அவசியமாகும்.
இது சமத்துவமான கல்வி வாய்ப்புகளுக்கான புதிய கதவுகளை திறந்து வைக்கும்
உரிமையை கையில் பிடித்து எடுத்து தரும் போராட்டம்.SC/ST மாணவர்களின் கல்வி உரிமையில் எந்த வகையிலும் சமரசம் செய்யாது. scholarship-ஐ சேர்க்கை நேரத்திலேயே வழங்க வேண்டும் என்ற இந்தக் கோரிக்கையை சட்டமன்றம், அரசு, துறை அமைப்புகள்,எங்கே வேண்டுமானாலும் நாங்கள் மோதிக் கேட்கத் தயங்கமாட்டோம்.
நீங்கள் உரிமை கேட்க வேண்டிய மக்கள் இல்லை, உரிமை பெற வேண்டிய மக்கள். அது கிடைக்காமல் விட்டால் அதை நாங்கள் கத்திக் கேட்போம், சாலையில் இறங்கி போராடுவோம், சட்டப்போராட்டத்தில் நின்றாலும் நின்றுவிடமாட்டோம்.
எது தடையாக இருந்தாலும், கல்வி உதவித்தொகையை முதல் ஆண்டிலேயே SC/ST மாணவர்களுக்கு பெற்றுத்தருவது வரை நாங்கள் பின்வாங்க மாட்டோம்.
உங்கள் கல்வி, உங்கள் எதிர்காலம், உங்கள் சமத்துவ உரிமை, இவை அனைத்தும் நியாயமானவை. அந்த நியாயத்தை சட்டமாக்க, நடைமுறையாக்க, உண்மையான மாற்றமாக மாற்றுவது எங்கள் பொறுப்பு மட்டுமல்ல! எங்களுடைய சபதம்.
© Copyright 2025. Developed By: Marutham Makkal Munnetra Kazhakam